Da wena ba blhao llín nell nhí zí gaklhe llunlello llín xtillo ka lue dan né Internet!

Dan numbiello ká Internet nha yoy xlatge ka bi nhak´aken ga chá yoy da nezlhe benhe lla yell líu. Ka du guyon chí gayoa dill shaglla duxente yell líu, (nhente xtill benhe bi ll´lhelhe) ¿Balhe ke dill kí wak gunhenllo llín lhue dan nhe Interntet?

Txen nhakto — ¿Nhu ke nhak yel nezen? Xlatge Internet gan nhe Oxford, nha xlatge Internet nha yoy yell Internet (India) — nhen yelá yell llá yell líu, llenletho nezeto gaklhe llunnhen´ake llin dill´ka lue dan nhe Internet nha cha de latj ke dill kí lue nhí.

Llín nhí shlhuelhen cha dé latj ke yoy dill lue Interneten nha zagnielhe bi gak gunllo enchanha zake cha luenha yoy dill dé . Leska waweto nha cha nhu benhe lla ban nha bene lhao yell llen´aklhe gunhen´ake nheto llín, nha llbexto llín nhi gaken bía ke bishlhe llín yublhe.

Da xaxoxg

Llín nhí numbiaton dill xtilhe ka “primero digital”, kanhake bi nhaken mí gulshon, guzenayllon nha guzedllon lhue nhí kanhake dazan kwia nzan. Shlhabto yoy da ka slhuelhe nheto gaklhen llak ke dill ka lue Internet, nha llueto Dill da guk da llaklhelhe nheto nezeto cha nhaken mí gunhenhen benhe llín interneten cha llían xtille.

Ganhí gan xaxoxgto llín nhí, llanhislheto gaklhe llaglla benhe lhao yell líu nha xlatge xtillo ka lue Internet. Leskakse dzogto yoy da nezlheto ke Internet ga lla yoy dill dé nha gaklhe washíollon llakte dza llchínzon, llwiallo nha dzedllo gaklhe llnbebía bal benhe nha zakzí´ake yeto kuen´ake.

Cha llenshlho gulo yelhate →

Dill llue ke guke

Latj nhí llanhizlhen kushellu gaklhe llunhenen llín lue Interneten xtill benelhao yell dullente yell líu. ¿Lhebshe ka llak llunhenllo llín interneten yoy llo? ¿Llak shlepllo bi teze lhebze kan llak slhello o slheltjo bi da yallglhello lhuenha?

Llunto yell yoyte lhe nhaplhe dill da shlhab ka guke, cha niogen, cha nhaken da wsenayllo o cha nzan bxen. Ganhí wallelo yelá llín da llue dill ke yell Chindalí, Cree, Ojibway, Mapuzugun, dill wlhall, nha Arrernte dill´ake za África, yell América nha yell Australia . Leska llagdilho llín da llía dill nha llun ake kase ka Breton, Vasco, Sardo nha Carelio n gan né Europa, leskakse llagdilho dill da llnebiá ka Bengalí, Indonesio (Bahasa Indonesia) nha Sindalés ke yell Asia, nha yelá dill ka Árabe ke Zu chule África.

Cha llenshlho gulo yelhate →

Da shlhab

Le xchínto Da slhab llanhislheto kushellu bi da zed ke dill ka de lue Internet nha xlatje ka llunhenllo llín yoy lla. Ganhí llagdilho da ka llaglla lue Interneten nha wak wía nhuteze len, nheto bzeto chnheg xlatg internet, chínn xlatge Android, nha chínto xlatge dan nhe iOS. Bayull bzedto´aken bayun´akton tap kuen: xlatge ga guzedllo nha nezello, xltage ga guzedllo biteze dill, xlatge ka gumbiello nha wello dill nhen benhe yublhe, nha xlatge ga wello dill, nello nha guselsho bxen ke benhe. Leskakse bzedo kushellu chop xlatge Interneten: dhan le Google Mapas nha Wikipedia.

Ganhí waxoxgto yoy da gádilheto, da gatílheto nha da gaklhelhe yelá llín da za gak.

Cha llenshlho gulo yelhate →